Dy shtetet anëtarët e NATO-s, takohen sot në Athinë për të provuar edhe një herë për të zgjidhur bllokimin e tyre mbi kufijtë e Mesdheut lindor dhe të drejtat e energjisë.
Turqia dhe Greqia nisin raundin e 62 të bisedimeve mes tyre! Dy shtetet anëtarët e NATO-s, takohen sot në Athinë për të provuar edhe një herë për të zgjidhur bllokimin e tyre mbi kufijtë e Mesdheut lindor dhe të drejtat e energjisë.
Ditën e djeshme, Ankaraja rriti presionin ndaj Izraelit, Greqisë dhe Bashkimit Evropian, ku i tha se duhet të kërkojnë lejen e saj përpara çdo aktiviteti në ujërat e diskutueshme të Mesdheut lindor, shkruajnë mediat e huaja.
Si Greqia, ashtu edhe Turqia thirren në një sërë traktatesh dekadash të vjetra dhe marrëveshjeve ndërkombëtare për të mbështetur pretendimet e tyre territoriale.
Armiqësitë u ndezën vitin e kaluar kur Ankaraja dërgoi një anije kërkimore të shoqëruar nga një flotilje e marinës në ujërat pranë bregdetit turk që Greqia pretendon se janë të tyret, një pretendim që BE mbështet. Deri më tani, Athina ka dashur të diskutojë vetëm kufirin përreth Egjeut, ku disa ishuj të saj shtrihen afër territorit turk. Ankaraja këmbëngul se bisedimet duhet të përfshijnë përcaktimin e zonave ekskluzive ekonomike dhe hapësirës ajrore të të dy shteteve.
Greqia dhe Turqia nuk janë në dakordësi për çështjen e Detit. Të dyja vendet kanë zhvilluar 61 raunde bisedimesh, por pa sukses. Turqia dhe Greqia nuk janë në një mendje për shtrirjen e shelfit Kontinental në Mesdhe dhe çështje të tjera. Tensionet kapën kulmin në muajin gusht 2020, kur Turqia dërgoi anijen eksploruese Oruç Reis në Mesdhe, në ujëra që grekët thonë se janë të tyre.
