Në një postim të bërë në ‘Facebook’, ambasada amerikane e vlerëson partneritetin e saj me Bashkinë e Vlorës dhe e falënderon Lelin për mbështetjen e tij.
Ambasada e Shteteve të Bashkuara të Amerikës në Shqipëri ka vlerësuar kryetarin e Bashkisë së Vlorës, Dritan Lelin. Në një postim të bërë në ‘Facebook’, ambasada amerikane e vlerëson partneritetin e saj me Bashkinë e Vlorës dhe e falënderon Lelin për mbështetjen e tij.
POSTIMI:
“Këndet tona Amerikanë në gjithë Shqipërinë përfaqësojnë miqësinë midis SHBA dhe Shqipërisë. Ne jemi shumë krenarë për partneritetin tonë të fortë me Bashkinë e Vlorës. Faleminderit, Kryetari Leli për mbështetjen tuaj. Le të vazhdojmë të ëndërrojmë, të shpërndajmë njohuri dhe të fuqizojmë rininë në 30 vitet e ardhshme dhe më tej, krah për krah!”, shkruan ambasada amerikane.
Mirëpo kjo lëvizje e ambasadës bie ndesh me atë që kryeministri Rama ka bërë ditë më parë.
Dritan Leli nuk pranoi që të hiqte dorë nga mandati si kryetar bashkie, për tu angazhuar në fushatë si kandidat për deputetë, ndaj kjo bëri që Rama të dërgonte letër Asamblesë së PS në Vlorë, duke shkruar që të mos e pranonin Lelin në fushatë. Pasi Leli refuzoi dorëheqjen, kryesocialisti i dërgoi një mesazh në celular ku shkruhej: Zhduku nga bashkia, mos të të shoh më. Ky ultimatum nuk mori një përgjigje nga Leli, i cili zgjodhi të fikte telefonin dhe të mos i përgjigjej Ramës.
