Kandidati për deputet në qarkun e Shkodrës, Nard Ndoka ka komentuar humbjen e zgjedhjeve parlamentare nga Partia Demokratike.
I ftuar në emisionin “Top News”, Ndoka tha se Basha kishte gabuar në strategjinë e fushatës duke menduar se mund të fitonte mbështetjen e qytetarëve, për të mundur edhe blerjen e votave.
Ndër të tjera, Ndoka u shpreh se Basha nuk e shfrytëzoi faktin që ishte në koalicion me të, Dashamir Shehin apo Agron Dukën.
Nard Ndoka: ”Padyshim që Basha duhet të mbajë përgjegjësi, ai luajti të gjitha për gjitha. Ai nuk e shfrytëzoi se pati një koalicion, ai me unin e tij tentoi që kopjonte sitlin e tij. Nëse Rama ishte i vetëm, Basha kishte një koalicion me aleatët, kishte koalicionin më plural që nuk e kishim pasur ndonjëherë. Asnjëherë nuke kemi parë Bashën të dalë më koalicionin e tij, duhet të kishte besueshmërinë më të madhe, se nëse dikush nuk kishte dashamërisë për Bashën, kishte për Agron Dukën apo dhe Dashamir Shehin.”
