Artan Hoxha (presidenti) thotë se Amerika ia ka futur kot me Sali Berishën, që e shpalli “non grata”.
Sipas tij, SHBA do pendohet dhe do e korrigjojë këtë gabim.
Shkrimi i Artan Hoxhës (presidentit në tentativë)
Vendimi i Sekretarit të Shtetit për të shpallur publikisht ndalimin e hyrjes në ShBA të Sali Berishes pati jehonë e do ketë pasoja të parashikueshme në shoqërinë, politikën dhe shtetin shqiptar, të paparashikueshme gjithashtu.
Të parashikueshmet janë qartazi negative. Vendimi ç’ekuilibron edhe më shumë fuqinë politike të palëve në favor te fortë të Rilindjes së gjithëpushtetshme në një vend ku, edhe pa këtë vendim, kemi ç’ekuiliber që në 2013-tën, thelluar në 2017-tën, forcuar në 2021-shin, ç’ekuiliber që ka dhene efektet e veta ne shpartallimin e balances dhe kontrollit kushtetues te pushteteve dhe ne diferencimin ekonomik te shoqerise ne raport me perkatesine apo afersine me pushtetin. Te paparashikueshmet me gjasa edhe me negative.
Efektet negative shkaktohen nga menyra opake e vendimmarrjes ne kete rast, e mosshpjegimit te qarte, te plote e te detajuar. As nuk thuhet e as nuk dihet as koha, as menyra dhe as faktet a provat ne te cilat eshte bazuar vendimi. Menyra si iu servir publikut kerkon vetem pranim pa vertetim te vertetesise, drejtesise e dobise se tij. Imponim dhe kaq.
Per vendimin e tij Sekretari shprehet se eshte marre per dy aresye, e para per akte korruptive thelbesore te Sali Berishes; e dyta se ai penguaka drejtesine te hetoje keto akte nderkohe qe ShBA duan e perpiqen per nje Shqiperi demokratike, ku sundon ligji e barazia perpara tij. Duke goditur moralisht Sali Berishen ShBA shpresuakan qe do rrezohet a dobesohet kjo pengese.
Nese ky eshte qellimi s’ka se si te funksionoje pasi goditja morale, qe te jete efektive, duhet qe vete te behet me menyra e mjete te pastra, te qarta, te mbeshtetura, shume bindese e gjeresisht te pranuara nga shoqeria se ciles i adresohen. Perndryshe, prodhojne efektin e kundert.
Vendimi nuk i ka fare keto cilesi. Nese do te kishin patur fakte a prova te paditura nga me pare per Sali Berishen, e keto te ishin te verteta e ti jepeshin publikut, ndoshta shume qe besojne ne moralin e Sali Berishes do nderronin mendje.
Prova te reja te ketilla as jepen as lihet te kuptohet se ka. E kunderta u tha, qe gjithcka eshte bazuar ne ngjarjet, faktet, provat e pretendimet qe qarkullojne prej shume e shume vitesh edhe ne kanalet shteterore edhe ne ato diplomatike edhe ne ato medietike.
Po qe per keto te vjetrat e te njohurat, gjithkush ka krijuar me kohe e vakt vleresimin e vet per Sali Berishen, te mire a te keq, besues a mosbesues, mbeshtetes a kundershtar, adhurim a urrejtje. Pa prove te re vendimi i Sekretarit nuk ndryshon gje, vec forcon kontrastet, thellon polarizimin, ndez emocionet e kahjeve te kunderta.
Por, nese s’ka prove te re, pse ka nje vleresim te ri per Sali Berishen nga Departementi i Shtetit? Nje organizate koherente, me te njejtat provat do mbante te njejtin qendrim ne kohe. Koherenca prishet kur ndryshojne njerezit, pra ndryshojne interesat, botkuptimet, synimet e keto ndryshojne edhe organizaten, strukturen, qellimet, procedurat e mjetet e saj.
Sali Berisha eshte ai qe ka qene. Ka ndryshuar mendim Departementi i Shtetit. Sepse ka ndryshuar vete Departementi. Sepse ka ndryshuar Presidenca, Administrata, raportet politike dhe ato mes grupeve te interesave te ndryshme, e ku penetrojne edhe grupe interesi te huaja, perfshi ato te politikes se sotme shqiptare qe dominohet nga Rilindja e gjithepushtetshme.
Sot eshte nje tjeter Amerike. Qe ka bere e do beje shume gjera te medha e te mira por qe ka bere e do beje edhe gabime trashanike, si ky me Sali Berishen.
Durim. Sepse ShBA eshte edhe e mira me e madhe qe kemi kur ben mire edhe e keqja me e vogel kur ben keq. Por edhe qendrim te qarte e qendrese ndaj gabimeve te saj. Keshtu, edhe ndihmojme veten edhe i sherbejme sic duhet vete Amerikes, e cila lirine dhe dinjitetin e individit e ka ne themel te qenies se vet, qe i mbron me sistemin e vet demokratik, ligjor e gjyqsor, te ekuilibruar e te balancuar thuajse ne perfeksion, e ku, per rrjedhoje, edhe barazia perpara ligjit eshte me prane te vertetes se kudo.
Qendrim te qarte e qendrese ndaj gabimeve te Amerikes sepse Amerika ka ndryshuar, ndryshon e do ndryshoje e, ndryshe nga superfuqite e tjera, edhe kur ia fut kot… heret a vone , Amerika i korigjon gabimet e veta.
