Ish i dërguari i SHBA-së për dialogun Kosovë-Serbi, Ruchard Grenell ka kritkuar Kryeministrin e Kosovës për faktin që vendosi të shfrytëzojë pasaportën e tij shqiptare për të votuar ditën e sotme në zgjedhjet parlamentare të Shqipërisë.
“Kryeministri i Kosovës po voton në zgjedhjet shqiptare. Kjo i tregon botës aq shumë për Kurtin. Komuniteti ndërkombëtar duhet të jetë dyshues ndaj motiveve të tij“, shkruan Grenell.
Më herët, Raportuesja e Parlamentit Evropian për Kosovën, Viola von Cramon, ka kritikuar kryeministrin e Kosovës, Albin Kurti, për votimin e tij në zgjedhjet në Shqipëri sot.
“Nuk mund ta kuptojë gjithë këtë. Në njërën anë të gjithë në Kosovë ankohen për ndërhyrjen nga Serbia apo nga presidenti Aleksandar Vuçiq vet, por në anën tjetër këtu kryeministri i Kosovës edhe voton në një shtet fqinj. Nuk është e pranueshme, së paku jo për mua”, ka shkruar Von Cramon në Twitter.
