Ka zgjatur pak më tepër se 10 minuta ceremonia e betimit të qeverisë së re të Shqipërisë në Presidencë.
Kryeministri Edi Rama mbërriti në Presidencë vetëm 2 minuta para orarit zyrtar të përcaktuar për betimin e kabinetit të ri qeveritar. Ndryshe nga 4 vjet më parë, kur qeveria e re e përshkoi në këmbë, të gjithë së bashku, rrugën drejt presidencës, kryeministri zgjodhi të shkonte me makinë në ambientet e presidencës dhe ministrat iu bashkuan një nga një.
Qeveria ‘Rama 3’ mori miratimin në parlament me 77 vota pro, 53 kundër dhe 1 abstenim.
Kabineti i mandatit të tretë qeverisës të socialistëve përbëhet nga 15 ministri, nga të cilët 4 ministra pa portofol. 12 ministra janë gra dhe 3 burra.
Programi i qeverisë së re e ka drejtuar fokusin tek rindërtimi pas tërmetit dhe menaxhimi i pandemisë, mirëqenia e qytetarëve; modernizimi për zhvillim të ekonomisë prodhuese, familja dhe forcimi i shtetit ligjor.
Përbërja e kabinetit qeveritar “Rama 3”:
Arben Ahmetaj– Zv.kryeministër
Ulsi Manja- Ministër i Drejtësisë.
Delina Ibrahimi– Ministër i Financave dhe Ekonomisë
Ogerta Manastirliu– Ministre e Shëndetësisë
Bledi Çuçi– Ministër i Brendshëm
Belinda Balluku– Ministre Energjisë dhe Infrastrukturës
Olta Xhaçka– Ministre për Evropën dhe Punët e Jashtme
Mirela Kumbaro– Ministre e Turizmit dhe Mjedisit
Evis Kushi– Ministre e Arsimit dhe Sportit
Niko Peleshi – Ministër i Mbrojtjes
Frida Krifca– Ministre e Bujqësisë dhe Zhvillimit Rural
Elva Margariti – Ministre e Kulturës
Milva Ikonomi – Ministre Shteti Për Standarded dhe Shërbimet
Elisa Spiropali– Ministre Shteti për Marrëdhëniet me Parlamentin
Bora Muzhaqi– Ministre Shteti për Rininë dhe Fëmijët
Edona Bilali– Ministre Shteti për Mbrojtjen e Sipërmarrjes./ Euronews
