Kryeministri i Kroacisë, Andrej Plenkoviç i ka dërguar ditën e sotme një letër homologut të tij Albin Kurti një letër në lidhje me pikëpamjet e Kosovës për trashgimërinë e saj kultorore. Në letrën e tij, Plenkoviç i ka kthyer përgjigje, Kurtit për letrën që u nisi disa ditë më parë 56 liderve të vendeve të botës, në lidhje me monumentet e saj të kulturës. Ai ka thënë se pajtohet plotësisht me faktin se çdo trashgimëri kultorore duhet të mbrohet nga vendi i tij, si dhe të respektohet nga vendet e tjera.
“Ne i vlerësojmë shumë përpjekjet tuaja për të respektuar dhe mbrojtur monumentet e rëndësishme në Kosovë, të cilat janë një pjesë e kësaj sixhadeje të pasur të trashëgimisë kulturore. Të ngrohë zemrën të dish se je i përkushtuar në këto përpjekje”, ka shkruar Plenkoviç.
Albin Kurti, në datë 20 maj, u dërgoi letër liderëve të 56 vendeve të botës, ku ndër to bënte pjesë edhe Serbia, se qeveria e tij, është e vendosur për të mbrojtur trashëgiminë e tërësishme kulturore, dhe në veçanti atë të komuniteteve pakicë, siç janë kishat ortodokse dhe manastiret.
