Kryeministri i Britanisë së Madhe, Boris Johnson, gjatë prezantimit të sanksioneve kundër Rusisë në parlamentin britanik e ka krahasuar agresionin e Putinit në Ukrainë me atë të Millosheviqit në Kosovë.
Johnson ka thënë se këto dy agresione janë të njëjta.
“Ajo çka po bën Putini është e njëjtë me atë që ka bërë Sllobodan Millosheviq në Kosovë. I njëjti agresion. Dhe mos harroni se Millosheviq ka vdekur deri sa po gjykohej”, tha kryeministri britanik, Boris Johnson, gjatë prezantimit të sanksioneve kundër Rusisë, për shkak të sulmeve të saj ndaj Ukrainës, që kanë nisur mëngjesin e sotëm.
Kryeministri britanik Boris Johnson e ka dënuar agresionin e Vladimir Putinit në Ukrainë, duke thënë se Evropa duhet ta “përgatisë veten” për hapat e tij të ardhshëm. Johnson u tha ka ligjvënësve britanikë se njerëzit “do të luftojnë për të kuptuar ose për të menduar sesi në vitin 2022, një udhëheqës kombëtar mund të komplotojë me qetësi dhe qëllimisht shkatërrimin e një fqinji paqësor”.
Ai ka konfirmuar se Mbretëria e Bashkuar do të sanksionojë pesë banka ruse dhe tre individë me “vlerë neto shumë të lartë”.
“Ajo që Putini po bën do të jetë një fatkeqësi për Rusinë” tha ai, duke parashikuar sanksione shtesë për Rusinë nëse vazhdon të pushtojë më tej Ukrainën.