122 fotografi prezantohen për qytetarët në instalacionin “Tradita Durrsake”
Fasada e ish-hotelit Vollga është kthyer në një galeri të hapur në Durrës. 122 fotografi nga Durrësi i shekullit të kaluar janë vendosur aty si pjesë e instalacionit “Tradita Durrsake”.
Ato i prezantojnë qytetin bregdetar te qytetarët dhe te vizitorët, ndërsa janë një dëshmi historike. Pjesë e ekspozitës janë edhe fotografi nga godina që tashmë nuk ekzistojnë më.
Fotografitë janë të shoqëruara edhe me shpjegime në gjuhën shqipe dhe anglisht.
Instalacioni është realizuar me materiale rezistente për t’u përballuar edhe kushtet atmosferike.
Me këtë ekspozitë synohet që kjo godinë trekatëshe të kthehet në një atraksion kulturor, ndërsa një pjesë e fotografive janë marrë edhe nga ekspozita “Turistë të Përgjithshëm”./Klan
