Presidenti i Serbisë, Aleksandër Vuçiç, ka reaguar për incidentin që ndodhi në Tiranë gjatë vizitës së tij në Shqipëri në kuadër të takimeve për nismën “Balkani i Hapur”, ku flamurit serb iu vu flaka nga persona që ishin pjesëmarrës në protestën e thirrur nga Sali Berisha.
Sipas Ekspress, Vuçiç ka thënë se për këtë ngjarje, kryeministri i Shqipërisë, Edi Rama, ndodhet nën presion.
Vuçiq tha se djegia e flamujve të tjerë është akt i paqytetëruar, duke kërkuar që mos ta detyrojnë të flasë se në çfarë presioni gjendet Rama për këtë ndodhi.
“Është e paqytetëruar të digjni flamujt e të tjerëve, ne kemi marrëdhënie të mira me Shqipërinë, mos më detyroni të ju tregoj se nën çfarë presioni ndodhet Rama për këtë. Ky (Ballkani i Hapur) është projekti më i madh i paqes, që Ballkani ka bërë dhe unë besoj se “Ballkani i Hapur mund të jetë një makinë për rritjen dhe zhvillimin e të gjithë Evropës. Ne do ta mbyllim këtë vit si vendi me normën më të lartë kumulative në Evropë gjatë dy viteve të fundit. Ballkani i hapur është lufta jonë për të pasur të drejtë për një të ardhme sipas dëshirës sonë”, tha Vuçiç në një intervistë për Tv Prva, shkruan Ekspress.
