Analisti Artan Fuga ka ironizuar zgjedhjen e kreut të ri të shtetit, teksa i ka quajtur si propagandë kriteret për emrin e ri të Presidentit të Republikës.
Sipas profesor Fugës, Presidenti i ri duhet të plotësojë vetëm një kriter, “ t’i nënshtrohet kryeministrit dhe të bëjë atë që thotë ai”
“Për zgjedhjen e Presidentit të ri të Monarkisë ka vetëm një kriter, të tjerët janë propagandë :
Duhet t’i nënshtrohet kryeministrit dhe të bëjë si i thotë ai, edhe sikur pushtete më të fuqishme se ai t’i thonë të bëjë të kundërtën!
Nuk është çështje personash apo preferancash, është sistemi ynë politiko-juridik dhe gjeopolitika e sotme që nuk lë shteg për gjë tjetër!
Kjo e bën të vështirë zgjedhjen sepse edhe duhet të plotësojë këtë kriter të vetëm, por edhe ky kriter nuk duhet të thuhet as nga shumica as nga opozita!
Duhet që presidenti edhe të jetë i bindur me siguri qind për qind ndaj kryeministrit, por edhe nuk duhet të jetë militant socialist. Kjo e bën kontradiktore zgjedhjen dhe e fut në krizë procesin.
Por, në fund nuk ka rrugë tjetër: I besuari do zgjidhet! Ose do të ngelemi pa president!”, thekson Fuga.
