Shkodra me rezultatin e saj ka dhuruar edhe eliminimin e emra VIP të politikës shqiptare të dyja kampeve, duke i nxjerrë nga Parlamenti. Tashmë kur numërimi i votave për partitë ka përfunduar, vëmendja më e madhe është përqendruar te votat preferenciale, duke shpresuar që të marrin votat e duhura se për të mposhtur fituesit zyrtar.
Nga Partia Socialiste tashmë Ilir Beqaj nuk do të jetë deputet, por ai shpreson te vota preferenciale, edhe pse duket e vështirë, për shkak se një pjesë e votave i ka marrë Paulin Sterkaj.
Nga lista e PD-së jashtë parlamentit mbetet Nard Ndoka, Bardh Spahia, Izmira Ulqinaku që kanë qenë deputetë. Ndoka kreu i PDK-së pranoi të ishte i teti në listën e PD-së së Shkodrës, porse PD-ja nuk shkoi përtej 5 mandateve. Shpresa e tyre është që të marrin votat preferenciale.
Ndërsa jashtë Parlamentit do të mbesë edhe Jozefina Topalli, e cila krijoi parti të re politike, por që nuk arriti të sigurojë një mandat në qytetin e saj të lindjes. Sakaq edhe pse fitoi mandatin e deputetit, Tom Doshi i PSD-së nuk do të jetë pjesë e parlamentit sepse ka dhënë dorëheqjen e parevokueshme. Dy deputetët e PSD-së për qarkun e Shkodrës janë Gledis Çeliku dhe Meri Markiçi.
I vetmi që e ka ruajtur mandatin e deputetit nga LSI-ja, është Agron Çela, i cili do të jetë edhe për katër vitet e ardhshme.
Deputetët e PS-së
Edona Bilali
Paulin Sterkaj
Benet Beci
Deputetët e PSD-së
Gledis Çeliku
Meri Markiçi
Deputeti e PD-së
Helidon Bushati
Emilja Koliqi
Ramadan Likaj
Greta Bardeli
Zef Hila
LSI
Agron Çela
