Kryetari i Partisë Demokratike në qytetin e Vlorës është ndeshur me kushëririn e Edi Ramës, i cili i revoltuar iu shpreh Bashës se qeveria i ka vjedhur pronat.
Paskal Nesturi, i cili u shpreh se është kushëriri i dytë i Edi Ramës u shpreh se i janë marrë pronat dhe ja kanë kaluar oligarkëve. I bindur ai i tha Bashës se nga fisi i tij nuk do ta votojë askush Ramën.
“O vlla të uroj shëndet, ne do të fitojmë. Unë jam kushëriri i Edi Ramës, jam Paskal Nesturi. E kam thënë dhe herë të tjera, më vodhi pronat. Më hoqi nga puna mua dhe familjen time, ja dha oligarkëve të tij.
O Lulzim nuk të gënjen vllai. Unë jam nga Palasa. Erdhi dhe më prishi mua shpin, që e kam bërë me gjakun e trupit tim, më pruri forcat sikur të isha krimineli i Shqipërisë. Prona ime me hipotekë ma prishi dhe ja dha oligarkëve të tij ai.
O Luli të thotë vllai asnjë nga fisi nuk ta voton Ramën, ta thotë Paskal Nesturi. Nga i gjithë fisi i mamasë time. Nëna ime dhe nëna e tij janë kushërira dhe mua të parit në Shqipëri erdhi ma prishi. Mua në Llogara. Unë as kam vjedhur as jam marrë me drogë as me gjë.”, u shpreh qytetari.
