Bettany Hughes, gazetare e njohur e BBC dhe historiane udhëton në Shqipëri, për të eksploruar një tokë me qytete epike, kala, vende arkeologjike dhe një histori dhe kulturë të larmishme.
Në një intervistë për emisionin Good Morning Albanians në Euronews Albania historiania tha se ka një keqinformim për shqiptarët, gjë që me programin e saj ajo e ka ndryshuar.
”Siç e dini ka një keqinformim për Shqipërinë, që është vend i varfër, që ka njerëz që vijnë në Britani për të kryer krime, por gjëja pozitive e këtij programi është se kemi marrë një ‘feed back’ shumë të mirë në rrjetet sociale; njerëzit kanë thënë që kemi dëgjuar për Shqipërinë por se dinim që ishte kaq e bukur. Ky program për Shqipërinë është më i shikuari”, tha historiania.
