Një zjarr që shpërtheu sonte në Lundër, u konfirmua nga policia të ishte lokalizuar në një magazinë ku sipas saj flakët u shkaktuan nga nxehtësia e lartë e disa baterive.
Por konfirmohet se zjarri ka ndodhur në një godinë nën juridiksionin e KQZ.
Komisioni Qendror i Zgjedhjeve pohoi se mbrëmjen e sotme një nga ambjentet e institucionit në Lundër është përfshirë nga zjarri për arsye që ende nuk dihen.
Në ambjentet të cilat ka ndodhur incidenti ka patur materiale të vjetra të KQZ-së, të cilat janë nxjerrë jashtë përdorimit nga ana e institucionit.
KQZA këmbëngul se materialet, dokumentacioni zgjedhor dhe çdo gjë tjetër që ka të bëjë me zgjedhjet e 25 prillit janë të ruajtura në një ambient tjetër që nuk ka lidhje me atë ku ka rënë zjarri.
KQZ ka lajmëruar instancat përkatësë për të marrë masat e duhura për neutralizimin e zjarrit dhe për gjetjen e shkaqeve të këtij incidenti.
