Me një video të publikuar mëngjesin e sotëm në FB, kryeministri Edi Rama ka permtuar se verën e ardhshme Rruga e Arbërit do të jetë një ëndërr shumëvjecare e realizuar për dibranët.
Rama në shtator bëri me dije se në Rrugën e Arbërit janë realizuar 60% të punimeve teksa punimet vijojnë.
Sot pikërisht kryeministri ka publikuar një video teksa shfaqet një makinë duke bërë ‘xhiro’ nëpër shtratin e rrugës.
Po ashtu ai thotë se rruga do të zbulojë për tiranasit hapësirat magjike të jastëkut të gjelbër të kryeqytetit.
STATUSI NGA EDI RAMA
MIRËMËNGJES 😊
dhe me këtë xhiro nëpër shtratin e hapur të Rrugës së Arbërit, që në verën e ardhshme do të jetë një ëndërr shumëvjeçare e realizuar për dibranët, e do të zbulojë për tiranasit hapësirat magjike të jastëkut të gjelbër të kryeqytetit që shtrihet deri pranë Dibrës, ju uroj një javë të mbarë 🙏
