Kryeministri holandez Mark Rutte tha se nismat si “Ballkani i Hapur” përshpejtojnë procesin e anëtarësimit të Ballkanit Perëndimor në Bashkimin Evropian. Në një konferencë të përbashkët për shtyp në Amsterdam me kryeministrin Rama, ai tha se “nisma të tilla mundësojnë që “tensionet të mos bëhen të padurueshme”.
Ai theksoi se do të rekomandojë çdo platformë që bashkon Ballkanin Perëndimor rreth çështjeve të interesit të përbashkët.
“Unë mendoj se ideja e futjes së një zone të tregtisë së lirë midis vendeve përshpejton procesin e anëtarësimit dhe ndihmon në uljen e tensioneve,” tha Rutte.
Rama nga ana e tij vlerësoi se “Ballkani i Hapur” do të ndihmojë ndër të tjera që “Serbia të shkëputet nga Rusia dhe të mos ketë më ndikim në Beograd”.
Rama shtoi se Serbia nuk duhet lënë “në krahun e Rusisë”, por duhet futur në BE.
Duke folur për ndikimin e Rusisë në Ballkan, Rama tha: “Prandaj besoj se Serbinë duhet ta marrim me vete dhe të mos e lëmë të shkojë ndryshe”- tha ai.
