Gjuha shqipe është vërtetuar me një origjinë mbi 6000 vjeçare pas një studimi shkencor nga 30 gjuheloge. Sipas aktivistit Sazan Guri, vërtetimi se gjuha shqipe është nga e 3-ta më e vjetra nga gjuhët indo-evropiane i jep fund dhe debateve për origjinën e kombit shqiptar.Një studim shkencor ka vërtetuar se gjuha shqipe është një nga gjuhët më të vjetra indoevropiane që flitet ende.
Sipas studimit nga mbi 30 gjuhëtare, shqipja renditet e 3-ta nga gjuhët indo-evropiane me një origjinë mbi 6000 vjeçare.Sipas aktivistit Sazan Guri, ky studim i cili vërtetoi lashtësinë e gjuhës shqipe vijnë pas një pune kërkimore prej 10 vitesh. Madje ai thekson se ky studim i jep fund dhe debateve të origjinës së kombit shqiptar.
Sazan Guri: “Me këtë studim 10-vjeçar, këta 30 veta të mbështetur nga 200 të tjerë, pothuajse e kanë shterruar çështjen se cila është gjuha bazë e njerëzimit. Fillimisht quhej gjuhë parake e Evropës, por tani zyrtarisht në gjuhët e para të Evropës shqipja renditet në tre të parat. Këta i dhanë fund debateve 200-vjeçare”.
Gjithashtu Sazan Guri shpjegon se si shqiptarët kanë ruajtur autonominë e gjuhës shqipe edhe pas pushtimeve.
Sazan Guri: “I kanë ruajtur në mënyrë vertikale, sepse nuk e shkruajtën. Sepse e tregoi të drejtë zakonore, të drejtën juridik, e tregoi këngën me lahutë, e tregojnë me fjalë gjyshi me nipin, në formë mitologjie pra”.
Ndërkaq në artikullin e fundit shkencor të “Science” gjuha armene dhe gjuha greke renditen pas shqipes si më të vjetrat me një origjinë 5 mijë vjeçare./oranews
