Kantautori i mirnjohur Elton Deda, deklaroi se po bëhen tashmë 8 muaj që ai dhe muzikantë të tjerë kanë mbetur pa punë. Deda është shprehur i revoltuar për neglizhencën dhe injorimin e shtetit ndaj artistëve.
Në një prononcim për abcnews, Deda deklaroi se shteti jo vetëm që nuk i ka ndihmuar muzikantët, por edhe ka një mënyrë trajtimi të shëmtuar ndaj artistëve. Deda deklaroi se në një kohë kur të gjitha bizneset janë hapur, për muzikantët nuk është bërë asgjë nga shteti, duke i lënë këta të fundit në prag falimenti.
“Ka vend për tu rishikuar mundësia e hapjes së lokaleve live. U bë 8 muaj që qyteti jeton në këtë mënyrë, duke qenë edhe moti me shi, më bën të zymtë. Nuk duhet të trajtohemi kështu. Përderisa po lejohen bizneset. Unë jam pro hapjes, ashtu siç kam qenë pro mbylljes. Ne muzikën e kemi profesion dhe prandaj duhemi kuptuar. Prandaj edhe reagova.
Ca janë të mbyllura, ca aktivitet janë të hapura. Akti normativ nuk funksion kështu. Nuk është faji jonë të rrimë të mbyllur. Qeveria duhet të marrë masa. Të bëjë një paketë në mbështetje të artistëve. Me thënë të drejtën, artistët aq sa e kërkojnë artin ta bëjnë bashkarisht aq edhe krijesa të çuditshme janë të bërit bashkë. Nuk jam i bindur nëse ne po bëjmë bashkë. Unë shpresoj, po nuk mjafton vetëm vullneti i Eltonit, po duhet i të tjerëve.
Në momentin që t’i ndalon muzikën dhe ndërkohë 90% e shqiptarëve puthen dhe përqafimet në rrugë. Nuk është e drejtë. Ky nuk është halli i popullit, duhet të dëgjohemi. Duhet të jetë komiteti i ekspertëve që të dëgjohen edhe hallet tona. Shumë artistë kolegë të mitë janë drejt falimentit si financiar ashtu edhe shpirtëror. Nuk punojmë për qejf që ditën taksistë dhe natën këndoj për qejf. Jo më jo ne e kemi profesion.
Kategoria jonë nuk është ndihmuar fare, zero, zero. Dërgo letra zero. Këtu fillon njeriu çmendet fare. Është gjithçka e zymtë. A ka njeriu më ndjenjë më moral”, tha Deda.
Kujtojmë se për shkak të pandemisë Covid, qeveria vendosi mbylljen e pub-eve dhe diskove, një akti që më tutje iu shtua ndalimi i muzikës live në bare e lokale (fill pas karantinës). Që prej asaj kohe qeveria ka lejuar hapjen graduale të thuajse të gjitha bizneseve përfshi dhe palestrat, por jo lejimin e muzikës live, që për shumë artistë është ‘ushqimi’ kryesor për financat e tyre.
/USA Albanian Society
https://usalbaniansociety.com/
info@usalbaniansociety.com
