Kryeministri Edi Rama është shprehur se sa të qeverisë Partia Socialiste në qeveri, taksat e naftës janë të palëvizshme. I ndodhur në Kuvend, Rama tha se as protestat nuk do ta arrijnë një gjë të tillë. Ai shtoi se taksat shërbejnë, pasi qeveria nuk do të rrisë çmimin e energjisë elektrike për familjet e biznesin e vogël dhe as biletat për transportin urban e interurban.
“Në fokusin tonë, si familjet është edhe biznesi i vogël, mesatarja e ulët e rrijtes së mundshme të faturës së energjisë në një biznes të vogël është 350-400 të vogla, që do të thotëm një vend pune ikën, 95 mijë vende pune të nesërmen, Ne nuk do ta lejojmë, është pandershme, nuk ka asnjë nder në të bërit avokati në heqjen e taksave. Derisa të jetë kjo qeveri këtu, taksat e naftës nuk lëvizin, as me shpifje, akuza apo protesta, asgjë tjetër. Në fokusin tonë do të jenë familjet në nevojë, jo ata që kanë praktikisht fuoristrada, ndaj vendosëm që të japim dhe një bonus. Me këtë bonus dhe me indeksimin që u bëmë pensioneve, pensionet rriten 11.2%. Pra 11.2% më shumë shkon tek pensionistët në këtë fazë. Shumë gra e njerëz që shkojnë në punë në fabrika e aktivitete prodhuese, nuk shkojnë me vetura, por me autobus, edhe shqiptarët që shkojnë nga një qytet në tjetrin, shkojnë me autobus. Në biletën e tyre s’do ketë rritje çmimi,”- tha Rama ndër të tjera.
