Naftëtarët e Ballshit janë futur sot në ditën e 9 –të të grevës së urisë.
Siç raporton News24, gjendja e tyre është përkeqësuar, ndërsa mësohet se pranë tyre nuk ka ambulancë për t’i ardhur në ndihmë.
Ndërkohë një ditë më parë është kërkuar që një mjek ose infermier të qëndronte me ta, pasi gjendja e tyre sa vjen dhe përkeqësohet.
Po ashtu bëhet e ditur që pritet të merret një vendim për të zëvendësuar grevistët që janë në gjendje më të rëndë shëndetësore.
Naftëtarët nuk kanë marrë ende përgjigje për zgjidhjen e situatës, ndërsa deklarojnë se nuk do të tërhiqen deri në rinisjen e punës në uzinë.
