Qeveria nuk heq dorë. Pas miratimit të një plani menaxhimi për parkun e Butrinit i cili ka shkaktuar debat publik të hapur dhe u rrëzua nga presidenti Ilir Meta, qeveria vendos të hartojë një plan menaxhimi dhe për Ansamblin historik të Pallatit të Brigadave.
Elva Margariti: Kemi miratuar planin e menaxhimit të integruar të Ansamblit Historik Pallati i Brigadave. Kemi parë të gjithë potencialin e parkut për ta shndërruar atë në një formë të re menaxhimi që duhet të jetë një formë që i sjell vlera të shtuara vetë monumentit por dhe kemi parë dhe pjesën e bashkëveprimit me komunitetin, me universitetet për kërkimin shkencor dhe aspektet e fjetura të turizmit kulturor që i mungon asaj gjëje. Është një plan i hartuar në bashkëpunim me Universitetin Politeknik të Tiranës, ka ardhur si rrjedhojë e Paktit për Universitetin.
Ende nuk dihen shumë detaje lidhur me këtë plan menaxhimi ndërkohë ministrja pranoi se do të ketë ndërtim në zonën e Manastirit por që ajo do të jetë qendër e vizirorëve, një “aset i munguar” siç tha ministrja.
