Zv.Ministrja e Shëndetësisë, Mira Rakacolli dha lajmin se komiteti teknik i ekspertëve ka vendosur të mos e ndryshojë kufizimin për ndalimin e grumbullimeve mbi 10 veta.
Komiteti i Ekspertëve e vendosi këtë pasi Gjykata Kushtetuese i vuri një afat për të shqyrtuar kohëzgjatjen e kufizimeve lidhur me situatën e pandemisë.
“Komiteti i ekspertëve sot mori në shqyertim dhe vendimin e Gjykatës Kushteutese që na sugjeronte të vendesnim një afat për masën e propozuar në lidhje me grumbullimet.
Komiteti e quan të arsyeshme e vendosi që këtë herë do jetë për dy javë pas dy javësh do rivlerësohet edhe si masat e tjera që thashë”, tha Rakacolli.
***
Kujtojmë që Komitetit Teknik ka vendosur muajin e kaluar vijimin e kohëzgjatjes së kufizimeve, që parashikon ndalimin e tubimeve elektorale. Më 4 dhjetor 2020 Partia Republikane depozitoi në Gjykatën Kushtetuese një padi, ku kërkoi rrëzimin dhe shfuqizimin e urdhrit të ministres së Shëndetësisë, Ogerta Manastirliu, të datës 17 nëntor 2019, që ndalon grumbullime me më shumë se 10 persona, tubimet, mbledhjet partiake, ceremonitë martesore etj.
APEL PER KUJDES
Sipas kryetares së Komitetit Teknik, “përsëri nuk kemi atë nivel të dëshuruar të zbatimit të masave që kemi propozuar, pavarësisht se ka përmirësim të lehtë në zbatimin e tyre nuk jemi aty ku duhet të jemi, bëjmë thirrje qytetarëve që të vijojnë të mbajnë maskën ku është rekomanduar e të ruajmë distnacimin fizik e social”.
MASAT EDHE PER DY JAVE
Sipas Rakacollit, masat aktuale e kanë dhënë efikasitetin e tyre dhe ndaj ato do rivlerësohen sërish për dy javë.
“Masat që kanë propozuar më shumë vëmendje kanë dhënë efikasitetin e do të mbajmë dhe për 2 javë po në këtë mënyrë, pra do vijojë të jetë ora policore nga 20:00 deri në 6 të mëngjesit, mësimi online, dhe për shkak të numrave të të rinjve që janë rritur edhe si rezultat i prezencës së virusit britanik. Fluturimet me Britaninë do mbeten të pezulluara dhe për dy javë”, tha Rakacolli.
