Kuvendi i organizuar nga Akademia “Rrënjët Tona” për gjuhën shqipe si gjuhë e shkruar qysh në lashtësi bëri bashkë albanologë, historianë e studiues së shqipes në një konferencë me rëndësi kombëtare mbi të vërtetat e gjuhës sonë.
Gjuha shqipe e ardhur deri në ditët e sotme ka pësuar ndryshime për shkak edhe të sistemeve qofshin ato politike, kulturore apo sociale. E megjithatë e vërteta është se ajo gjendet e shkruar qysh në lashtësi.
Faktet flasin se shqipja nuk është e huazuar ashtu siç pretendohet, por përkundrazi është mëmë e gjuhëve të tjera europiane.
“Gjuha shqipe është gjuha që shpërthejnë gjuhët e botës. Mos të çuditen shqiptarët.”
Në këtë drejtim sipas prof. Sazan Guri, e vërteta është sfumuar nga vetë studiuesit të cilët nuk kanë punuar në të mirë të interesit kombëtar.
“Këta të tjerët, nuk duan t’i lexojnë. Duhet të jesh i mirë akademikë, me titull, me emër që të quhesh që bën një punë të mirë për gjuhën shqipe.”
Të njëjtën teori e mbështet edhe profesor Agron Dalipaj, autor i shtatë fjalorëve etimologjikë i cili nënvizon se kjo çështje nuk ka marrë vëmendjen dhe mbështetjen që meriton, duke insinuar neglizhencën e institucioneve.
“Unë kam kërkuar dy herë në Akademinë e Shkencave që të kemi një oponencë të fortë shkencore, gjithashtu kam kërkuar edhe nëpër Universitete dhe tek Akademia e Studimeve albanologjike. Çdo studiues që punon kundër gjuhës shqipe është i pranueshëm sepse çon në Akademi fjalor që zhgrryejnë gjuhën shqipe për ta quajtur të huazuar. Çdo studiues që ka vepër shkencore të mirëfilltë është e pamundur të pranohet dhe as se marrin në konsideratë. ”
Ndër të gjitha faktet e sjella në këtë tryezë, një ndër një prej tyre flet se Iliada e Homerit është shkruar në gjuhën shqipe.
Guri thekson se Akademia “Rrënjët Tona” shprehet se pavarësisht pengesave në këtë rrugë jo fort të lehtë do të vijojë këto kuvende e konferenca në mbrojte të së vërtetës./Oranews
