Italia prej muajsh ka vuajtur nga infektimet masive dhe pamundësinë për t’ia dalë mbanë, pasi sistemi shëndetësor u gjunjëzua. Numri i infektimeve të reja në vendin fqinj vijon të mbetet në nivele të larta, ndonëse me luhatje të vogla ditore.
Duke parë një dritë të vogël në fund të tunelit, Italia ka marrë vendimin për heqjen e karantinës për shtetasit nga BE-ja.
Bëhet me dije se Italia ka vendosur heqjen e karantinës për shtetasit nga vendet anëtare të unionit, nga Britania e Madhe dhe Izraeli. Ky vendim ka hyrë në fuqi një ditë më parë. Duke iu referuar dekretit të Ministrisë së Shëndetësisë së vendit fqinj, lejon hyrjen e shtetasve nga vendet europiane vetëm duke paraqitur një tampon negativ të 48-orëve të fundit.
Por për shqiptarët?
Për shtetasit shqiptarë që nuk kanë leje-qëndrimi italiane dhe pasaporta të vendeve anëtare të BE-së, do të qëndrojnë në fuqi kufizimet aktuale, ku lejohet hyrja vetëm për arsye të veçanta.
