Mblidhen rreth 30 mijë dollarë brenda një ore për familjen e Arjan Salës, i shpallur “Dëshmor i atdheut” për aktin e tij heroik të shpëtimit të 25 kolegëve të tij në zjarrin që ra në një qendër tregtare.
Iniciativa erdhi nga drejtuesi i “Fundjavë Ndryshe”, Arbër Hajdari dhe drejtuesit të emisionit “Stop” në TV Klan, Saimir Kodrës. Iniciativa që u bë pjesë e emisionit “Opinion”të Blendi Fevziut, zgjoi kureshtjen e qytetarëve të cilët arritën të mblidhin një shumë rreth 30 mijë dollarë në ndihmë të familjes.
Trupi i 32-vjeçarit Sala u gjend pas tri ditësh teksa kishte rënë zjarr në magazinat e qendrës tregtare. Sipas të dhënave të para hetimore bëhet fjalë për një shkëndijë elektrike, por hetimet vijojnë për të zbardhur ngjarjen që I mori jetën punonjësit të sigurisë, baba i një djali katërvjeçar.
Gjatë emisionit Naim Sala , xhaxhai i Arjan Salës ka treguar momentet e vështira gjatë kërkimit të trupit të nipit të tij mes flakëve. Ai tha se në fillim kishte patur shpresa se djali mund të gjendej i gjallë, por më pas shpresat e tij ishin shuar. Sala tha se, i lutej Zotit vetëm që të mundësohej gjetja e trupit të djalit.
“Tymi vazhdonte për tre ditë rresht në mënyrë intensive. E vetmja që i lutesha perëndisë, Zotit, unë aty besoj, ishte që të paktën mos ta humbja edhe trupin e çunit. Kjo më shqetësonte shumë, se çfarë do të dërgonim në shtëpi tek prindërit e Arjanit, kam ndjenjur me zjarrfikësit, kam bashkëpunuar, ju luta të gjithë familjarëve që të mos krijonim shqetësime, konfuzion, përplasje që do të na bënin vonesë edhe më të madhë në kërkimin e çunit. U kërkua nga të gjitha anët, u ça dhe një mur, por kjo u bë e mundur nga mesi i ditës tjetër.
Por kjo u krye nga mesi i ditës tjetër, ndërsa unë e kisha kërkuar që në mëngjes”, u shpreh Naim Sala. Ndërkohë, valli i Arjanit, Edmond Sala, tregoi parandjenjën e tij për fundin tragjik të vëllait. “E ndjeva që nuk do shihja më, gjitha ai tym nuk kishte shanse. Shkova deri tek shkallët, por ishte e pamundur”, tha Edmondi, duke u shprehur se e ka patur të pamundur t’ia thotë të birit katërvjeçar të Arjanit se ka humbur babain.
Ndërkohë, një prej kolegëve të Arjanit, ka rrëfyer edhe çastet e fundit përpara fundit tragjik. Ai tha se pasi morën njoftimin për zjarr kanë shkuar për të vënë flakët nën kontroll, por nuk kanë mundur dhe kanë dalë. Arjani ka hyrë përsëri duke iu thirr të gjithëve që të dilni nga magazina, madje ai iu ka kërkuar dhe kolegëve të tij që të dilnin nga magazina, teksa vet kontrollonte nëse në magazinë ndodheshin punonjës të tjerë.
“Po konsumonin një cigare, vjen një thirrje në radio se po del tym mbrapa, ecën dy tre hapa dhe ndalon e i kërkon sqarim në radio se ku, i thonë në magazineë poshtë. Kthejmë kokën, e shikojmë duke ecur me vrap Arjanin, përnjëherë nisemi, 4-5 sekonda pas tij, është futur në magazinë, jemi futur dhe ne, aty ishte një tym i madh, tmerr i madh. Kemi dalë të tre, e mbaj mend që kemi dalë të tre. Pastaj kam shkuar për të marrë një bombol për të shuar zjarrin dhe një shok tjetër,
Arjani është kthyer te magazina tjetër ku ka pasur shumë afër bombulën që ja ka dhënë një punëtor dhe u fut direkt, për një minutë arritëm ne me bombola të tjera, u futëm dhe po e shihja veten shumë keq e po dëgjoja “dilni”. Ai i ka nxjerr, po na bërtiste dhe ne qe dilni, kur kam dal jashtë pash që nuk është Arjani, e kam kërkuar në telefon dhe nuk mu përgjigj.”-tha kolegu i Arjanit.
