Miroslav Lajcak, Emisari sllovak i BE’së për dialogun Kosovë-Serbi, ka përulur dhe përbuzur Kushtetutën e Kosovës dhe ka zbuluar qëllimet e tij për arritjen e marrëveshjes pëfundimtare mes dy vendeve.
Për një tekë të Bashkimit Evropian, emisari i saj po dëshiron që tani ta ndryshojë edhe Kushtetutën e Kosovës.
Kjo po ndodh vetëm për t’i mundësuar Serbisë formimin e Asociacionit të Komunave Serbe apo siç njihet ndryshe nga qytetarët si “Zajdenica”.
Lajçak po përul Kushtetutën e Kosovës duke thënë se ajo nuk është “bibël”, por duhet të ndryshojë nenet e ligjet që t’i përshtatet formimi i Asociacionit të Komunave Serbe.
Emisari i BE’së po tenton që me çdo kusht që Asociacioni i Komunave Serbe të themelohet dhe nuk e konsideron pengesë as vendimin e Gjykatës Kushtetuese në Kosovë, ku është deklaruar marrëveshje antikushtetuese e nënshkruar nga pala kosovare në Bruksel.
“Në Prishtinë kisha 25 takime dhe asnjë nga bashkëbiseduesit nuk tha se nuk do të përmbushin obligimet e tyre, u tha qartë se atë që e kemi premtuar duhet përmbushur, përfshirë Asociacionin. Është logjike se duhet ndryshuar Kushtetuta dhe nuk tha askush se nuk duhet ndryshuar. Kushtetuta nuk është bibël”, tha Lajcak në Serbi, sipasGazeta Metro.
Emisari Lajcak i cili njihet ndryshe si kundërshtar i pavarësisë së Kosovës, tani hapur ka prezantuar qëllimet e tij në lidhje me marrëveshjen përfundimtare Kosovë-Serbi.
