Ish-kryeministri Sali Berisha tha se kur të vijë në pushtet do të bëjë që shqiptarët të mos kenë me mjerim. Në një komunikim me gazetarët, ai u shpreh se do të vendosë një minimum jetik dhe do të ketë një transformim rrënjësor të sistemit arsimor dhe shëndetësor.
Po ashtu, Berisha tha se axhenda e tij është liria për shqiptarët, duke theksuar se nuk do të lejojë më që të preket vota e tyre.
Pyetje: Cfarë do i jepni ndryshe shqiptarëve? Cfarë mendoni se do i bëjë shqiptarët që të votojnë Sali Berishën për të drejtuar Shqipërinë?
Sali Berisha: Në një mandat të ri Sali Berisha do të bindte shqiptarët të harronin Sali Berishën e dytë. Në një mandat të ri, pa asnjë dyshim që do rivendosen liritë dhe të drejtat e tyre dhe krahas kësaj do kishte ndryshime substanciale në gjendjen e tyre ekonomike. Që të marrësh një borxh sic ka marrë Edi Rama, borxhi është rritur 4.4 % në qeverisjen e mëparshme ishte 58.2 shkoi 62.6. U dyfishuan rrogat dhe pensionet.
Nuk do kishte mjerim, do kishte një minimum jetik. Do kishte një transformim rrënjësor të sistemit të arsimit, të sistemit të shëndetësisë dhe të dinjitetit të njerëzve.
Nuk do tja prekë votën shqiptarëve. Axhenda ime është liria për shqiptarët. Shqiptarët mund të ndihen të lirë edhe kështu, por ata që nuk votojnë dot nuk janë të lirë, por të shpërfillur.
