Në kuadër të 13-vjetorit të pavarësisë së Kosovës, të martën është hapur ekspozita e fotografisë “Kujtesa e Kosovës Rambouillet” e reporterit Asllan Krasniqi, fotografi të cilat rrëfejnë momente nga konferenca e Rambujesë.
Drejtori i Bibliotekës Kombëtare, Fazli Gajraku, tha se fotografitë e Asllan Krasniqit paraqesin ngjarjet më të dhimbshme të historisë së Kosovës. Teksa shtoi se është nder që fotografitë e sotme po ekspozohen për të parën herë në Bibliotekën Kombëtare.
“Këto janë fotografi që nuk janë parë asnjëherë, dhe janë fotografi që sjellin ngjarjen e Rambujesë, një dokumentim i historisë së Kosovës. Të gjitha ngjarjet e gëzueshme dhe të dhimbshme të Kosovës, autori Asllan Krasniqi i ka dokumentuar përmes fotografisë. Jemi të nderuar që kjo ekspozitë është hapur në bibliotekën Kombëtare të Kosovës”, tha ai.
Zëvendësministri në detyrë i MKRS-së, Engelbert Zefaj, tha se kjo ekspozitë rrëfen rrugën në të cilën u desh të kalojë Kosova deri në shpalljen e pavarësisë
“Kur i shohim këto fotografi, kthehemi prapa dhe shohim rrugën përmes së cilës erdhëm deri në pavarësinë e Kosovës. Kjo ekspozitë tregon momente tepër të rëndësishme dhe tregon se çfarë ka ndodhur në Konferencën e Rambujesë”, u shpreh ai.
Me këtë rast, autori i fotografive Asllan Krasniqi tha se ndjehet krenar që ka pasur rastin të bëjë këto fotografi, të cilat i ekspozoi me rastin e 13-vjetorit të shpalljes së pavarësisë.
“Ndihem krenar që jam në mesin tuaj. Ndihem krenar që kam pasur fatin të takoj këto personalitete. Falënderoj Bibliotekën Kombëtare për ftesën dhe për
I pranishëm në këtë event ishte edhe regjisori Dibran Fylli, i cili në një fjalë rasti tha se autori Asllan Krasniqi ka mbi 1 milion fotografi, përmes së cilës rrëfen gëzim e dhimbje./rtklive
![](https://ci3.googleusercontent.com/proxy/yThOFbezErHeHx6AcM0vteRCC27BVMoQ-uBaWUKcHXZPc3MFXUIjqbtrMGpLUWDjLhrMltX0p0NHYtiMzoOrPqn6kuLgS-d32jeZqw_vOvNofNYX6Ogi1jGSRns0=s0-d-e1-ft#https://kosovapress.com/wp-content/uploads/2021/02/ekspozita1-1024x768.jpg)
![](https://ci3.googleusercontent.com/proxy/NYaUZl4X_61BDP3yZ46A_FgU4SJ1wFVEusFr4FWXCSQwK6YPpHqqrwWtIp3zmMFTV2dkCBSIIqEmGqjyf_KCQhwNf8Fxl5z7q1dMvX7JW6Uir64CiDtOF4L0uxFZ=s0-d-e1-ft#https://kosovapress.com/wp-content/uploads/2021/02/ekspozita2-1024x768.jpg)
![](https://ci4.googleusercontent.com/proxy/QxDcDVUo_BTPfuH3PbwMgcFiLMpceY8_7smdivkr6z8hTTmE0DxFgL1p4rtyFnmPaSuOSQwwy-8vtiFDAfLgNs9AnRTKbO694whuxCjjPePZPMigWJR-XSbQzgyP=s0-d-e1-ft#https://kosovapress.com/wp-content/uploads/2021/02/ekspozita3-1024x768.jpg)
![](https://ci3.googleusercontent.com/proxy/tWMemUGxtbSdIPDhqaGEh4BEGxQEbuiSNyV7vzQBjzkL1ChdZj1_EME6cEq8-mTU5axwDjGmffmyPVHQElXX-kZAXzg63XWIyPyfF09dO15KO9DcapqZXXG1BqWp=s0-d-e1-ft#https://kosovapress.com/wp-content/uploads/2021/02/ekspozita4-1024x768.jpg)