Pas dy ditësh bisedime në Bruksel ditën e djeshme u arrit marrëveshja e reciprocitetit të targave midis Kosovës dhe Serbisë. Lajmin e konfirmoi i dërguari i BE-së për dialogun Kosovë-Serbi, Miroslav Lajçak.
‘Ne kemi nje marreveshje! Pas dy ditësh negociatash intensive, një marrëveshje për de-përshkallëzimin dhe rrugën përpara sapo është arritur. Falënderoj Besnik Bislimin dhe Petar Petkoviçin për gatishmërinë e tyre për të negociuar dhe pajtuar për të mirën e njerëzve.‘- shkori Lajçak.
Në dokumentin e publikuar nga Lajçak shihet se 3 janë pikat kryesore të marrëeshjes:
1- Forcat Speciale të policisë së Kosovës do të tërhiqen nga pikat e Jarinjës dhe Bërnjakut më 2 Tetor dhe do të zëvendësohen nga forcat e KFOR-it, të cilat do të qëndrojnë në zonë për rreth dy javë për të garantuar sigurinë dhe lirinë e lëvizjes midis dy palëve.
2- Duke filluar nga 4 Tetori do të vendosen tabela si një masë e përkohshme duke mos hequr kështu targat aktuale.
3- Një grup pune i përbërë nga përfqësues të BE-së, Kosovës dhe Serbisë do të vijojë punën për të gjetur një zgjedhje të përhershme për recipr9ocitetin e targave. Takimi i parë do të mbahet më 21 tetor dhe pas 6 muajsh do të prezantohet zgjidhja përfundimtare.
Kjo është një marrëveshje e përkohshme, dhe do të shpërbejë vetëm për shtensionimin e situatës mes dy vendeve. Në 24 orët e fundit nuk është raportuar për ndonjë incident në afërsi të asnjërës pikë kufitare, Jarinjë e Bërnjak. Njësitë speciale të Policisë së Kosovës po vazhdojnë të qëndrojnë pranë bllokadave, ndërkohë që misioni i KFOR-it ka rritur prezencën në këtë pjesë.
Drejtori i të ashtuquajturës Zyra për Kosovën në qeverinë e Serbisë, Petar Petkoviç, ka folur rreth marrëveshjes së arritur ditën e djeshme mbi reciprocitetin e targave ndërmjet Kosovës dhe Serbisë.Petkoviç pretendon se njësitë speciale të Policisë së Kosovës do të fillojnë tërheqjen nga veriu 24 orë më herët se fillimi i implementimit të marrëveshjes, ku parashikohet se duke filluar nga data 2 tetor sdo të fillojë tërheqja e policisë dhe prezent do të jenë forcat e KFOR-it.“Tërheqja e ROSU fillon 24 orë para zbatimit të marrëveshjes sepse ROSU nuk ka çfarë të kërkojë në veri të Kosovës. Gjëja më e rëndësishme është që do të largohet ROSU, dhe do të vjen KFOR-i, gjë që forcon rezolutën 1244. Dhe ajo që është veçanërisht e rëndësishme për njerëzit tanë është targat KM nuk do të hiqen që është e rëndësishme për lirinë e lëvizjes”,- ka thënë Petkoviç.Dje zv.kryeministri i Kosovës, Besnik Bislimi ka thënë se një ndër pikat e marrëveshjes, parashikon fillimisht vendosjen e KFOR-it në Jarinjë dhe Bërnjak, ndërkohë duke filluar nga e shtuna në orën 08:00, Njësia Speciale dhe barrikadat, do të kenë 8 orë kohë për t’u larguar njëkohësisht.
