Presidenti rus, Vladimir Putin, ka thënë se nga nesër vendet që blejnë gaz nga Rusia duhet të paguajnë në rubla ose kontratat e tyre nuk do të respektohen.
“Kontratat ekzistuese për blerjen e gazit rus do të pushojnë së zbatuari në rast të refuzimit për të paguar në rubla. Disa politikanë evropianë duken të gatshëm të neglizhojnë interesat e qytetarëve të tyre, vetëm për të kënaqur “zotin” e tyre transatlantik,“-tha Putin.
Në një deklaratë televizive, Putin tha se kalimi në rubla ishte krijuar për të “forcuar sovranitetin tonë”.
“Blerësit e huaj duhet të hapin llogari në rubla në bankat ruse,” vazhdoi ai.
