Qindra qytetarë në Korçë kanë dalë në protestë kundër rritjes së çmimeve të produkteve ushqimore, naftës dhe energjisë.
Qytetarët kanë marshuar në rrugët e Korçës teksa nuk kanë munguar edhe thirrjet ndaj politikanëve.
Gjatë marshimit ka pasur dhe tension mes protestuesve dhe policisë të cilët krijuan një kordon sigurie për të mbajtur nën kontroll tubimin.
Më herët në Korçë u ngritën dhe studentët e universitetit Fan S. Noli të cilët gjithashtu marshuan në rrugë me pankarta nëpër duar e duke u bërë thirrje institucioneve.
