Vendimi për lënien në burg të Klodian Çalamanit, vrasësit të 8 vjeçarit Mateo Vasiu, nuk ka qetësuar familjarët dhe qytetarët e Fierit. Pas seancës gjyqësore, njëzëri ata kanë bërë thirrje për dënimin me varje për 38-vjeçarin.
Madje banorët ndërmorën një nismë për të mbledhur firma ku kërkojnë dënimin me vdekje për Klodian Çalamanin.
“Ditë për ditë këtu do të jemi. Unë jam i vdekur”, ka thënë mes lotësh babai i djalit të vrarë, Mateo Vasiut.
“Atë djalë nuk e lëmë, o do të varet o s’ka. Nga shteti nuk shpresojmë”, është shprehur e ëma e Mateos.
“Unë i jap bukë me lekët e mia. Unë të punoj ai të ushqehet në burg. Me varje të dënohet”, është shprehu një tjetër qytetar.
“Policia punon, por i lë gjykata. Pisa janë , edhe avokatët mbrojtës që i dalin në krah këtyre ordinerëve”, është shprehur i revoltuar një qytetar.
Më pas, familjarët dhe qytetarët filluan marshimin në rrugët e Fierit në shenjë proteste ku kërkojnë drejtësi për vogëlushin Mateo Vasiu.
