Gazeta Protothema shkruan se “tre vjet pas vrasjes së minoritarirt grek”, një artikull në një faqe web shqiptare i hedh benzinë zjarrit. Përfundimi i prokurorëve shqiptarë për vrasjen e Konstantin Kacifas, sipas asaj që ata shohin në Shqipëri, shkakton tronditje.
Gazeta shkon edhe më tej ku shkruan se sipas raporteve të shtypit shqiptar që citojnë informacione, hetimi i prokurorit për vdekjen e Konstantinos Katsifas ka përfunduar dhe përfundimi është se Katsifas kreu vetëvrasje! Burime jozyrtare, duke cituar këto raporte, thanë se seanca për t’i dhënë fund hetimit u mbajt nga gjyqtarja, Suela Daçi.
Në këtë proces ishin të pranishëm edhe familjarët e viktimës, të cilët kërkuan që të informoheshin për aktet hetimore, pra ekzaminimin kriminalistik dhe balistikën e armës.
Autoritetet shqiptare, sipas raporteve, pohojnë se Konstantinos Katsifas, më 28 tetor 2018, kreu vetëvrasje me armën e tij, ndërsa u rrethua nga komando të policisë RENEA, në malin mbi Bularat ku u fsheh për disa orë.
Kujtojmë se Konstandinos Kaçifas, u vra më 28 tetor 2018 gjatë një shkëmbimi zjarresh me forcat RENEA. Ditën e varrimit, në Bularat, erdhën rreth 1500 nacionalistë grekë që e përcollën 35-vjeçarin drejt banesës së fundit të veshur me rroba ushtarake. Vrasja e tij nga forcat RENEA shkaktoi shumë tensione mes dy vendeve fqinje.
