AKB dhe DHKT shkruajnë se kanë ndjekur me shumë vëmendje diskutimet e këtyre ditëve lidhur me organizimin e Festës së Birrës në qytetin e Korçës dhe se i respketojnë plotësisht pasi reflektojnë trauma jo shumë të largëta historike me impakt të thellë në jetën e shqiptarëve në Kosovë.
Kryetari i Aleanca Kosovare e Bizneseve, Agim Shahini, si dhe Dhoma Kombëtare e Tregtisë kanë kërkuar që Bashkia e Korçës të mbajë përgjegjësi për ftesën e bërë ndaj këngëtarit serb Gpran Bregovic në Festën e Birrës në Korçë.
Sipas këtyre dy organizatave bizneset private s’kanë pse të mbajnë përgjegjësi pasi janë të interesuara që të promovojnë produktet e tyre tek konsumatorët si e vetmja fuqi blerëse për rritjen e tyre, por jo para këngëtarëve. AKB dhe DHKT shkruajnë se kanë ndjekur me shumë vëmendje diskutimet e këtyre ditëve lidhur me organizimin e Festës së Birrës në qytetin e Korçës dhe se i respketojnë plotësisht pasi reflektojnë trauma jo shumë të largëta historike me impakt të thellë në jetën e shqiptarëve në Kosovë.
Postimi i plotë:
Aleanca Kosovare e Bizneseve dhe Dhoma Kombëtare e Tregtisë shprehin indinjatën e tyre lidhur me pjesëmarrjen e këngëtarit Bregovic në Festën e Birrës së Korçës e cila është aktivitet tradicional dhe si produkt është më e vjetër në trojet shqiptare. Kush do që e lexon titullin do t’i përngjan romanit të Ismail Kadares se “Kush e solli Doruntinën” e cila edhe sot e kësaj dite mbetet enigmë për një realitet që promovon besën dhe traditën shqiptare. Bizneset janë të interesuara që të promovojnë produktet e tyre tek konsumatorët si e vetmja fuqi blerëse për rritjen e tyre por jo para këngëtarëve sepse ata janë konsumatorë të pakt të këtyre prodhimeve tona kombëtare.
AKB dhe DHKT kanë ndjekur me shumë vëmendje diskutimet e këtyre ditëve lidhur me organizimin e Festës së Birrës në qytetin e Korçës dhe sensibilitetet e krijuara, veçanërisht në Kosovë, mbi vendimin e organizatorëve që në aktivitetin e këtij viti të performojë edhe këngëtari Goran Bregovic. Nga ana jonë respektojm thellësisht të gjitha këto sensibilitete sepse reflektojnë në fakt trauma jo shumë të largëta historike me impakt të thellë në jetën e shqiptarëve këtu në Kosovë, por në asnjë rast nuk mund të pajtohem me tendencat që shfaqen aty këtu për të spekuluar mbi këto sensibilitete dhe për të hedhur hije mbi biznese të caktuara shqiptare të cilat janë pjesë e aktivitetit. Nga ana jonë si përfaqësues të bizneseve ju sigurom këdo të interesuar se aktiviteti, i ngjashëm me aktivitetet që ne organizojmë në Prishtinë, është një mundësi e mrekullueshme për bizneset nga mbarë trojet shqiptare për të prezantuar produktet e tyre në një eveniment i cili po bëhet çdo vit më popullor dhe më tërheqës.
Ardhja e këngëtarit serb Goran Bregovic, në festën e Birrës në Korçë ka irrituar shumë këngëtarë dhe jo vetëm. Një nga një, artistët shqiptarë kanë deklaruar publikisht se nuk do të ishin në Korçë për festën e përvitshme, pikërisht për shkak të pranisë së Bregoviç.
Kush është Goran Bregoviç?
Bregovic, i lindur nga babai kroat e nëna serbe, ishte frymëzues e idhull i ushtrisë vrastare serbe gjatë luftës në Kosovë më këngën “Pucaj”. Mohoi tërë jetën kombin e vet kroat. I këndonte kallashit serb që vriste popullatën kroate e shqiptare. Gjithashtu dhe bashkëpunimi që ai ka patur me regjisorin serb, Ermir Kusturica i cili njihet për nacionalizmin e tij dhe deklarata provokuese kundër Kosovës dhe shqiptarëve.
