Arkeologët për dy muaj kanë gërmuar të gjithë kodrën në Parkun Arkeologjik të Amantias dhe kanë zbuluar një varr monumental.
Varri i mbuluar me qemer është një ndër ekzemplarët e rrallë të këtij tipi, që i ruan pothuajse të gjithë elementët arkitektonik. Përmasat e mëdha, veçoritë në elementët e ndërtimit, si dhe veçoritë në elementët e mbulimit i japin monumentit vlera unikale.
“Puna e realizuar ne bashkepunim me nje ekip kolegesh nga IKTK solli ne drite kete monument me vlera unikale.
Varri i tipit “Maqedon” (stili i punimit të zonës së njohur në lashtësi si Emathia) apo me mbulim me qemer siç njihet ne literature, eshte nga te rrallet ne vendin tone qe e ruan te plote arkitekturen dhe na mundeson nje studim me te kompletuar”, shprehet arkeologu Kriledjan Çipa.
Zbulimi flet shumë për autoktonësinë e shqiptarëve në këto troje dhe më gjerë në rajon.
Besohet se varri I përket shekullit të tretë.
