3 vjet më parë lindi në fshatin Pagarushë të Malishevës, ikona e muzikës shqiptare, Nexhmije Pagarusha.
Veprimtaria e saj muzikore 50-vjeçare është aq e gjerë, duke kaluar nga muzika popullore te ajo operistike pasi kishte një vokal të veçantë prej sopranoje. ”Baresha” është një ndër kryeveprat e interpretimit të saj, e cila ishte shkruar nga tekstshkruesi Rifat Kukaj, me muzikë të kompozuar nga bashkëshorti i Nexhmijes, Rexhep Mulliqi.
Nexhmije Pagarusha përfundoi shkollën e muzikës në Beograd. Gjatë karrierës së saj këndoi mbi 150 këngë. Përveç muzikës ajo u angazhua edhe në aktrim. Ka luajtur në shumë filma duke u vlerësuar maksimalisht nga regjisorët.
Interpretoi në filmat “Tre vetë kapërcejnë malin”, “E kafshoja terrin”, “Fluturimi i Micakut” etj. Pagarusha mbajti koncerte në Kosovë, Irazel, Bullgari, Bosnjë dhe Hercegovinë, si dhe në Shqipëri.
Në vitin 1984 vendosi të mbyllte karrierën si këngëtare. Më 2012, u dekorua me “Nderi i Kombit” nga presidenti i Shqipërisë.
Ajo ndërroi jetë në moshën 86-vjeçare më 7 shkurt të vitit 2020.
