Shkolla e parë shqipe në Ferizaj, që ishte shndërruar në gjimnaz, është djegur në mëngjesin e së martës. Ky objekt është në mbrojtje të shtetit si trashëgimi kulturore, kanë bërë të ditur nga Komuna.
Objekti i quajtur “Gjimnazi i Vjetër” ka nisur të restaurohej të hënën. Objekti është shkolla e parë e qytetit të Ferizajt. Qeveria e ka futur në projektbuxhet dhe është thënë se do të restaurohej. Restaurimi ka nisur të hënën, por më pas është djegur.
Pamjet janë publikuar nga mediat lokale atje. Rastin e ka konfirmuar edhe Policia e Kosovës.
“Sot rreth orës 04:25 është raportu një incident zjarri në një shkollë që nuk është funksionale, rruga “Ramadan Rexhepi”, policia e zjarrfikësit kanë dalë në vendin e ngjarjes. Zjarri është lokalizuar”, kanë thënë nga Policia.
Kjo nuk është hera e parë që digjet ky objekt.
