Nga Leontina Nika
Zyrtarisht, shqiptarëve te të Maqedonisë së Veriut, u jepet e drejta për ta shkruar vetë historinë.
Skënder Asani drejtor i Institutit të Trashëgimisë Kulturore Shpirtërore dhe Materiale në Shkup thotë se Ministria e Arsimit e ka miratuar projektin e tyre për shkrimin e historisë.
Kompleksi i maqedonasve për të pranuar autoktonët,ka përfunduar në një histori të pa vërtetë dhe fyese.
Asani me bindje thotë se ne nuk do bëjmë gabimin e maqedonasve, ne do shkruajmë historinë pa paragjykime e fyerje, por bazuar në dokumenta.
Projekti është 3 vjeçarë dhe do pasqyroi historinë e shqiptarëve të Maqedonisë që nga antikiteti e deri në ditët tona.Ndërkohë që në projektin e Akademisë së Shkencave të Shqipërisë për shkrimin e historisë, Asani thotë se nuk kanë pasur ftesë.
Për këtë projekt është nënshkruar një marrëveshje bashkëpunimi me Arkivin e Përgjithshëm të Shqipërisë si dhe është gjetur mbështetje nga Akademia e Studimeve Albanologjike të Shqipërisë. /abcnews
