Xhubleta është tashmë pjesë e trashëgimisë kulturore jo-materiale botërore nën mbrojtjen e UNESCO- s.
Veshja tradicionale e grave të Malësisë, më shumë se 4 mijë vite e lashtë tashmë është pjesë e pasurisë së gjithë njerëzimit.
Ministrja e Kulturës Elva Margariti, në një intervistë për Euronews Albania, tha se puna për ta future xhubletën në UNESCO kishte nisur që në vitin 2019.
Margariti theksoi se ishte rreziku i lartë i humbjes së xhubletës që i shtyu ta çonin dosjen në UNESCO.
“Ishte një lajm shumë i mirë. Sot xhubleta i përket gjithë njerëzimit. E kishim filluar këtë punë që në 2019, në 2020 arritëm të kishim dosjen në duar. Ka qenë një punë e gjatë, e shumë grupeve e shumë bashkëpunëtorëve. Dua të vlerësoj kontributin e Fondit Shqiptar për Zhvillim që na kanë mbështetur në këtë nismë tonën, që ka qenë unike në llojin e saj.
Ishte rreziku i lartë i humbjes, ajo që na shtyu me forcë për ta çuar përpara sit ë parën dosje. Jemi në përgatitje të disa dosjeve.”- tha ajo.
Photograph of an Albanian woman from Grudë by Pjetër Marubi.
