Biznesmeni shqiptaro – amerikan dhe veprimtari i çështjes kombëtare, Xhim Xhema i dhuroi 500 mijë dollarë Institutit Dole pranë Universitetit Kansas.
Në njoftim thuhet se ky veprim i zotit Xhema është një vlerësim i punës së senatorit Bob Dole dhe jepet në shenjë falënderim për diplomacinë dhe mbështetje ndaj çështjes të Kosovës dhe asaj Shqiptare në tërësi, gjatë dekadave dhe për miqësinë e gjatë me senatorin republikan Dole.
Njoftohet se dhënia e kësaj dhuratë ishte planifikuar të bëhej në gushtin e vitit të kaluar me rastin e inaugurimit të bustit të senatorit Dole dhe pllakës përkujtimore në kujtim dhe nderim të 30 vjetorit të vizitës së parë të delegacionit të senatit amerikan, udhëhequr nga senatori republikan. Vizitë kjo e cila konsiderohet edhe sot si pikë kthese për çlirimin dhe pavarësinë e Kosovës.
Në njoftimin zyrtar të Universitetit të Kansas për themelimin e fondit Xhema, thuhet se Xhim Xhema është takuar për herë të parë në senatorin Dole në 1987 kur Dole ishte udhëheqësi i shumicës republikane në senatin e SHBA.
Dole ishte ndër liderët e parë politikë amerikanë që solli vëmendjen ndaj gjendjes në Kosovë dhe popullsinë e saj, kryesisht etnike shqiptare si dhe përpjekeve të saj për lirinë nga tundimi serb gjatë viteve 80-90, kur qeveria serbe kishte vendosur ligjin e shtet rrethimit dhe sundimin diktatorial mbi popullsinë shqiptarë.
Më tej në njoftim thuhet se senatori Dole falënderoi zotin Xhim Xhema, mikun e tij prej shumë kohë, për dhuratën dhe vizionin e tij për paqe dhe liri.
“Xhim Xhema është mik i imi i ngushtë për shumë dekada. Ai është një njeri i shquar dhe i vecantë. Besnikaëria e tij kanë qenë domethënëse për mua. Ndërsa dhurata e tij e fundit për Institutin politik Dole është edhe një dëshmi e vërtetë e bujarisë së tij dhe angazhimit të tij”, është shprehur senatori Dole.
Fondacioni Xhim Xhema do të sigurojë mbështetje për institutin e politikës, për programet dhe ekspozitat publike të Universitetit Kansas.
Me kërkesën dhe dëshirën e zotit Xhema, ky fond do të përdoret për të sponsorizuar programe me tema dhe subjekte mbi Kosovën, Shqipërinë, shqiptaro-amerikanet ose rajonin e Ballkanit.
Ky fond mund të sigurojë gjithashtu mbështetje për studiues që do të merren me kërkime shkencore në kuadër të koleksioneve të posaçme të arkivit Robert dhe Elizabet Dole, thuhet në njoftimin për media.
Ky program do ti mundësojë edhe studiuesve shqiptarë që të marrin pjesë në studimet e Institutit Dole pranë Universitetit të Kansasit./21media
