Presidenti i Serbisë, Aleksandër Vuçiç është shprehur se Kosovën do e presin shumë befasi nëse përpiqet që të anëtarësohet në organizatë ndërkombëtare. Në një intervistë për TV Happy, ai tha se Kosova dhe Serbia në këto momente janë në një konflikt të ngrirë.
Më tej ai tha se në të tilla situata duhet që të presësh se kush do të nxjerrë shpatën i pari, duke nënkuptuar se një luftë mund të ndodhë nëse Kosova përpiqet që të antarësohet në ndonjë organizatë ndërkombëtare.
“Ata e dinë që unë nuk po gënjej. Unë nuk jam vetëm duke iu drejtuar atyre, por edhe mentorëve të tyre. Dhe unë them se ata do të kenë shumë surpriza, jo një ose dy. Një konflikt i ngrirë do të thotë të presësh që dikush të nxjerrë i pari shpatën, nuk do të doja që bijtë e mi të shkojnë në luftë. Nuk duhet të na hyjë gjaku në trurin tonë, duhet të jemi realistë, njerëzit duhet të dinë se cilat janë të gjitha rreziqet e një konflikti të ngrirë. Shqiptarët nuk janë në thelb të gatshëm për një zgjidhje kompromisi”, tha ai.
Ai gjithashtu tha se ende nuk dihet se si do të jetë situata mes dy vendeve por fitimet do të jenë të njëjta. Vuçiç në fund deklaroi se Serbia nuk duhet të përdorë fjalë të ashpra dhe dhunë por duhet që të ruajnë paqen dhe racionalitetin.
“Nëse e di që nuk mund të marrim gjithçka , por që ne mund të jemi po aq të kënaqur dhe të pakënaqur sa shqiptarët. Edhe pse jeni të fortë, nuk duhet të përdorni fjalë të ashpra, sepse ne po ndërtojmë paqen dhe duhet ta ruajmë atë. Forca serbe nuk duhet të nënkuptojë arrogancën, por mençurinë dhe racionalitetin,” përfundoi Vuçiç.
Anëtarësohuni në grupin US ALBANIAN SOCIETY GROUP dhe diskutoni e postoni lirisht për të gjitha temat që dëshironi!
