Disiplina është një nga virtytet e nevojshme, për ecjen përpara të një kompanie, por edhe një shteti. Por kinezët e kanë çuar në ekstrem atë. Shumë kompani i trajtojnë punonjësit e tyre si skllevër modernë.
Nëse punonjësit nuk i arrijnë objektivat e tyre, ata u nënshtrohen ndëshkimeve poshtëruese. Kështu punonjësit e një kompanie hoteliere u detyruan të zvarriteshin nëpër rrugë për qindra metra, pasi nuk përmbushën dot objektivat e vendosura nga shefi në fillim të vitit.
Menaxheri tha se kjo mënyra më e mirë për të stimuluar shpirtin luftarak midis punonjësve. Në një tjetër video virale në rrjet, shfaqen disa burra që rrihen me shpulla nga menaxherja e kompanisë, për të njëjtën arsye.
Rasti më ekstrem, ka qenë i disa punëtorëve në Hanzhong, që u detyruan të konsumojnë pije alkoolike të shoqëruara me krimba dhe lakuriqë nate. Zyrtarisht ligji në Kinë e ndalon poshtërimin e punonjësit. Por në një vend autoritar, shkelje të tilla nuk bëjnë dhe aq përshtypje.
