Një pjesë e naftëtarëve vijon grevën e urisë në ambientet e uzinës në Ballsh, pjesa tjetër proteston rrugëve të qytetit.
Protestës i janë bashkuar edhe familjarët e tyre por edhe qytetarë e biznese, siç raporton BalkanWeb. Një prej tyre, një grua ka shpërthyer ndaj kryeministrit Edi Rama duke e akuzuar se po iu vret fëmijëve.
“Duam lekët tona. O vrasës, o Edi Rama vrasës! Po vret fëmijët”, thotë ajo teksa iu bashkohet qytetarëve të tjerë që protestojnë.
Prej 15 ditësh naftëtarët kanë hyrë në grevë urie duke kërkuar pagat e prapambetura dhe vijimin e punës.
