Gazetarja Klodiana Lala ka dhënë detaje në lidhje me tritolin që shpërhteu këtë mbrëmje në shtëpinë e kreut të Federatës Shqiptare të Futbollit, Armand Duka. Në një lidhje telefonike në “Opinion”, Lala tha se tritoli ishte vënë në derën e jashtme e që nuk kishte lënë persona të lënduar.
“Bashkëshortja e Dukës është gjendur e vetma në momentin që ka ndodhur shpërthimi. Nuk ka pasur të lënduar. Vetë kreu i FSHF-së është nisur me urgjencë drejt shtëpisë. Shihet si një kërcënim i Dukës duke qenë se ka dhe një luftë të hapur me kryebashkiakun e Tiranës, Erion Veliaj. Ka qenë një sasi e vogël; tritoli dhe siç duke ka pasur si qëllim vetëm një paralajmërim. Ka shkaktuar një zhurmë goxha të madhe, po kqyren pamjet filmike të kamerave të sigurisë, po merren dhe njerëz në pyetje,”- tha Lala.
