Mekanizmi rezidual ndërkombëtar për gjykatat penale i kërkon Serbisë të arrestojë dhe ekstradojë sa më shpejt të jetë e mundur radikalët serbë Petar Jojiq dhe Vjerica Radeta, të akuzuar për shpërfillje të gjykatës në Hagë gjatë gjyqit kundër Vojislav Sheshelit.
Radeta dhe Jojiq akuzohen për kërcënime, shantazhe dhe se u kanë ofruar të holla dy dëshmitarëve në çështjen kundër Vojislav Sheshelit.
Gjykatësi Liu Daqun i ka bërë thirrje Serbisë që të ekzekutojë urdhër-arrestet dhe urdhrat për transferimin e të paditurve në Hagë pa vonesë.
Serbia duhet të arrestojë dhe ekstradojë politikanë nga Partia radikale serbe brenda 90 ditësh.
