Tajar Zavalani është një ndër figurat e mërgatës shqiptare të cilat dhanë kontribute të mëdha për shtetin shqiptar.
Këto kontribute përfshijnë rrafshin atdhetar e politik në një anë, por edhe rrafshin intelektual e letrar në anën tjetër, sidomos me përkthimet e tij, dorëshkrimin në gjuhën angleze “Historija e Shqipnis”, si edhe konferencat e ndryshme në të cilat ka marrë pjesë.
Drejtoria e Përgjithshme e Arkivave, nëpërmjet një postimi në rrjetet sociale dje, shkruan se “Tajar Zavalani ishte një shembull i përkryer i brengës atdhetare, i cili ndonëse i mërguar në Londër, vijoi ta kishte Shqipërinë në qendër të publicistikës së tij”.
“Lënia e vendorigjinës nuk nënkupton doemos harresën e rrënjëve nga derivon. Një shembull i përkryer i brengës atdhetare është intelektuali Tajar Zavalani, i cili ndonëse i mërguar në Londër, vijoi ta kishte Shqipërinë në qendër të publicistikës së tij”, shkruan Drejtoria e Përgjithshme e Arkivave.
“Vizionin për një Shqipëri perëndimore, e shpalosi duke e kontekstualizuar me shoqërinë e kohës. Veprat më të rëndësishme të Zavalanit ishin “Histori e Shqipnisë” dhe “Ditari”, që përcjell thirrjen e mërgatës për një Shqipëri të bashkuar”, theksohet më tej në postim.
