Rusia ka reaguar ndaj Shqipërisë dhe ka dëbuar nga vendi i saj një diplomate shqiptare. Njoftimi është bërë nga ana e Ministrisë së Jashtme të Rusisë.
‘Sipas Ministrisë Ruse të Punëve të Jashtme, dëbimi i një diplomati shqiptar është në përgjigje të Shqipërisë që dëbon një diplomat rus për pretendimin e shkeljes së masave të koronavirusit në 21 janar 2021.’- shkruan Sputnik News.
Diplomatja Jonida Drogu tashmë person ‘non grata’, duhet të largohet nga Rusia brenda 72 orësh. Ky dëbim vjen pak javë pasi shteti shqiptar shpalli non grata diplomatin rus, Alexey Krivosheev, për shkak se shkeli masat kundër koronavirusit.
Ministria e Jashtme e Shqipërisë në arsyetimin e saj pati thënë se çështja e shkeljes së masave të kufizimit ishte adresuar të ambasadori i Rusisë në Tiranë, por diplomati rus kishte vazhduar të mos i përfillte ato.
Pas kësaj mase të Tiranës, kishte reaguar Ministria e Jashtme e Rusisë, duke e cilësuar këtë vendim si provokim. Rusia pretendoi se diplomati i saj u dëbua përmes një “arsyetimi tërësisht të sajuar.
