Dhjetëra persona dyshohet se kanë vdekur pasi raketat ruse kanë goditur stacionin e trenit në Ukrainën lindore, raporton BBC.
Kompania shtetërore hekurudhore thotë se më shumë se 30 persona dyshohet se kanë humbur jetën dhe mbi 100 të tjerë janë plagosur në stacionin e trenit Kramatorsk.
Kramatorsk është një nga stacionet në pjesën më lindore të vendit që ishte ende funksional në Ukrainë.
Guvernatori rajonal i Donetskut thotë se policia dhe ekipet e shpëtimit kanë raportuar se dhjetëra njerëz janë vrarë e plagosur, pas sulmit me raketa.
Duke shkruar në Telegram, Pavlo Kyrylenko tha se mijëra njerëz ishin në stacion në atë kohë, pasi banorët nga rajoni i Donetsk po evakuoheshin në rajone më të sigurta në Ukrainë.
