Juristi i njohur, Kreshnik Spahiu ka dhënë një ide tjetër lidhur me përgjimet e antimafias për lidhjet e Ndrangheta-s me mafien shqiptare.
Sipas tij, Ndrangheta nuk ka mundur të hyjë në Shqipëri dhe tani po bën tentativat pasi ato i frikësohen mafias shqiptare.
Spahiu tha mbrëmjen e sotme në ”Open”, se bosi i Ndrangheta-s është tepër i frikësuar nga Shqipëria.
“Nga kjo dosje e përgjime, Shqipëria nuk është vendi i parë që organizata më mafioze kërkon të hyjë. Është ndër vendet e fundit. Ndrangeta është ndër më të fortat në korrupsion, trafikim droge, prostitucion, qeniesh njerëzore dhe është shtrirë në të gjithë botën. Deri në Amerikë, e gjithandej. Nga gjithë biseda duket që Shqipëria do të jetë vendi i fundit për të hyrë, se Ndrageta ka frikë të hyjë në Shqipëri, nga mafia shqiptare.
Mafia shqiptare konkurron mafien e Ndragetës brenda në Shqipëri. Nuk kanë interes të fusin Ndragetën këtu, se s’kanë pse të ndajnë përqindje me ta, i marrin të gjitha vetë. Bosi i Ndrangetës ka frikë të hyjë në Shqipëri, aq vend i rrezikshëm jemi për ta. Kjo tregon se është në fazën përgatitore,” tha Spahiu.
